Tura, March 8: A·gilsak gimikni me·chikrangni sal ba International Women’s Day ni salo Gambegreni MLA Ma Mehtab Chandee A Sangma me·chik bi·sarangna bewal nikani bidingo skie on·aniko namdapatna Gambegreni adita biaprango dingtang dingtang Programrangko ong·atangaha.
Iako A·gilsak gimikni me·chikrangni sal ba International Women’s Day ni bak gita aro uni pangchakani “Accelerate Action” ingipao pangchake ong·atangaha jekon Chief Minister’s Special Grant (CMSG) ni gita dakchakaniko on·aha. IA programrangko ong·atanichi me·chik bi·sarangna uamangni bewal nikani aro an·seng-baljoke dongani bidingo skie on·aniko namdapatna miksonge ong·atangaha.
Mellim Deficit Secondary Skulo ia programko ong·atao sak 120 bi·sarang bak ra·aha. ia apsandakgipa programko Daren Agal Secondary Skulo, Kherapara UP skul aro Gonchudare Secondary Skuloba ong·atangaha.
Ia programo king hajalsa mang ong·nasiple jakkaltaitaina man·gipa Pads rangkoba sualangjolaha. Ia programko a·gilsak gimikni me·chikrangni salko maniani bak gita, jakkaltaitaina man·gipa padsrangko sak hajal chikking me·chik bi·sarangna suale dingtang dingtang skulrango ong·atangkugen.
” Ia campaign ko dakaniara an·chingni dal·drobaenggipa me·chik bi·sarangna uamangni me·chik ong·ani bidingo ui-ma·sianiko on·na aro uamangni an·seng baljoke janggi tanganina simsakaniko bariatna miksongani ong·enga” ine Dr Mehtab Sangma aganaha. “Ia program class 6 oni class 10 ona poraienggipa chatrirangna uamangni bewal nikani bidingo ui-ma·siatna dakchakchongmotgen” ineba ua agandapaha.
Jakkaltaitaina man·gipa padsrangko suale on·angengon uko maikai jakkalna nanggenchim iarangni bidingo uamangni uina amanio pangchake nambee talatjoljole on·angaha, jean uamangni an·seng-baljoke donganina dakchakani aro uianiko on·chongmotgen.
Ia jakkaltaitaina man·gipa padko Shillongni Subham Charitarable Association uamangni dingtang dingtang biaprango tarienga. Ia bostu namen nambea aro jakkaltoan baksa dongtoaniko on·gipa ong·a. Iano ritchani ritcha me·chikrang kam ka·tokenga.
Na·simang ia video-koba nina man·gen:
Na·simang iakoba poraina man·gen: ‘Balpakhram’ ine segualaniko ‘Balpakram’ National Park ine seskachina mol•mola
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
