Guwahati, Mar 9: Ja·a jak donggijagipa manderangna ‘artificial limb’ ba tarigipa ja·a jakrangko suale on·na gita Marwari Yuva Manch, Justice BL Hansaria Foundation baksa nangrime, re·anggipa March 7 tarikoni 9 tarikona ‘Alamban’ minggipa program-ko ong·atangaha.
Ia program-ko ong·atani bidingo Marwari Yuva Manch-ni membor Vikash, kobor ra·timgiparangna talate on·angengon, ia program-ko uamang, 1988 bilsio a·bachengataha aro bilsi 35-ni ja·man da·o iako uamang bilsiantian ong·atrongenga ine aganaha.
Ia program-ko ong·atanichi uamang ja·a jak donggijagipa sak lak 1.5-oni lak 2 manderangna dakchakanirangko on·na man·aha ineba ua aganaha.
Ia bilsi uamang ia program-ko Guwahati-osan ong·aigija, Haryana aro Bhavan-oba ong·atenga aro ia program-ko Guwahati-o ong·ataniona West Bengal aro Bihar a·dokrangoniba re·bae namgnirangko man·aha ineba Vikash aganaha.
Ia program-ko ong·atanio sak 68-mangni gita manderang bimingtangtangko segate bak ra·angaha aro uamangoni sak 48 manderang, tarigimin ja·a jakrangko man·aha ineba ua aganaha.
Na·simang ia video-koba nina man·gen:
Na·simang iakoba poraina man·gen: CCS Tura-ni chatro chatrirang food science-ni gimin u·ie ra·na gita lndia gimik songreaniko dakenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
