Guwahati, April 13: April 13 tariko pringwalnin ja 7-sa ong·kuaigipa bi·sa Guwahati Medical College and Hospital (GMCH)-oni Pediatric Ward ba bi·sarangko done sanram biaponi gimaaha.

Kobor-o man·soani gita bi·sako oko chi tope saako sanna ine batanggimin ja March 24 tarikonin hospitalo donkame sanengachim. April 13 tarikni pringo a·gital me·chikni bi·sani grapana malmokna am·ani gimin pagipa on·achim aro indake uamang jiksesan adita somoirangna tujripaha. Tusiaoni mikrakpile sandiode bi·sakode nikjaha.

Ia ong·a obostako joljol un pringo kamna tikatako man·gipa Dr Hangsha Kotoky, officer-rangna ui·ataha.

Gimaenggipa bi·sani ma·apa aro Hospitalko nirokgiparang apsan salon dolgni dake Bhanagarh Police Station-o ma·sina man·gijagipa dosi dakgipani kosako badi ka·e sedoaha.