Shillong, March 11: Hima Sohiongni Joint Action Committee, Hima Sohiongni Lyngdoh, Bashempang Thabah ko ra•galchina Khasi Hills Autonomus district councilni nokmikkango jinma jelangaha.JACni secretary Marchkupar Thabahni dilanio jegalgipa dolrang flag gisimrangko de•e, KHADC ni CEM Titos Chyne aro EM Elaka Jambor Warni kosako chrik-a•boke jegalangan baksana KHADCni gate ko ga•prake nosto ong•ataha. Uamang KHADC ni EM aro EM Elakako grongna am•on uamang chu•sokjahani gimin ka•nangbee nokni do•gachol ba gate ko ga•prake nosto ong•ataha indiba ja•mano policerang uamangko tom•tomatpilna man•aha.