Jowai, Mar 23: Jaintia Hills-ni Elaka Nartiang aro Elaka Shangpung-ni Dolloi ba dilgiparangko seokna gita Budbar salo, Jaintia Hills Autonomous District Council (JHADC)-ni gita election-ko ong•atangaha.
Jaintia Hills-o ia Dolloirangara, changsa seokako man•ahaode uni janggi tanga gimiknan toromni gita, ainni gita aro songni nokni pilak kamrangkon nirokna gita nangahachim.
Eleka Shangpung-ni gitcham Dolloi, bilsi chetmangna skang siangahani gimin uni biapko ra•rikna gita election-ko ong•ataha aro ia election-o sakgittam candidate-rang susaangaha. Shangpung Elaka-ni election-ko ong•atanio dam 30 songrangon gimik sak 10,607 manderang pu•one bakko ra•angaha.
Apsan daken Elaka Nartiang-ni gitcham Dolloi-ba re•anggipa bilsio siangahani gimin election-ko ong•atna nangaha, jeon sakbri candidate-rang susae, Nartiang Elaka-ni ning•o donggipa dam 35 songrangoni gimik sak 7,196 manderang pu•onangskaaha.
JHADC official-rangni u•iatani gitade, ia election-ni vote-rangko March 25 tariko chanskagen.
