Shillong, Aug 3: East Jaintia Hills a•jao aro mongsongbate Sutnga Elaka-o niam gri chalaienggipa Coke karkanarangko chipchina ge•etgen ine Mongolbar salo East Jaintia Hills a•jani Deputy Commissioner I Kharmalki, Environment Coordination Committee-na ku•rachakaniko on•ataha.
East Jaintia Hills a•jao niam gri Coke karkanarangko chalaiengani gimin jegale Mongolbar salo, Environment Coodination Committee-ni gita 4 Kilo-oni Khliehriat-o donggipa DC office-ona jinma re•jomaniko ong•atangaha aro ia re•jomanio Sutnga Saipung-ni MLA Shitlang Pale, committee-ni chairman DH Malang aro Elaka-oni ritchani ritcha manderang bakko ra•angtokahachim.
Elaka-o dam 35-mangni gita Coke karkanarangko chalaiengani a•sel samtangtango ong•telaigiparangna nangchakeaniko ra•baanisan ong•aigija manderangna aro mongsongbate bi•sa desarangna namgijaniko ra•baenga ine ia committee, ia jolo niam gri chalaienggipa coke karkanarangko ra•galchina dabitokengachim.
Ia re•jomanio manderang, ia coke karkanarangko kulina on•ahani gimin MDA sorkariko aro Cabinet minister-rang baksana Elaka-ni Dolloi-koba jegale re•jomangtokaha.
