Shillong, Aug 4: East Jaintia Hills a·jao niam gri coke karkanarangko chalaina on·jawa ine Budbar salo Khliehriat-ni MLA Kyrmen Shylla parakataha.
Shylla-ni parakatani gitade, ua skangonin an·tangni a·jao niam gri karkanarangko chalaina ba niam gri a·ningni bosturangko bikotna on·jachim.
Indake ong·genchimoba, nangchongmotgipa lekkarang baksa niamo pangchake chalaienggipa karkanarangkode sorkari champengna man·jawa ine Shylla talatangaha.
“Iandake niam gri karkanarangko chalaiengani a·selan a·dok sorkari aro manderangba noksan ong·na nangenga. Je manderangan niamko pe·e niam gri kamrangko ka·enga, uandakgipa manderangkode sorkari champengna nangchongmota,” ine Khliehriat-ni MLA aganaha.
