Tura, May 20: West Garo Hills a·jani Jengjal-o rikenggipa Cryogenic Oxygen Plant-koba Bristibar salo a·dokni Chief Minister Conrad K Sangma niangjolaha.
Ia biapo Cryogenic Oxygen Plant-ko rikna gita da·o a·arangko apsan ong·atenga aro gipin kamrangkoba ka·engaha aro antigittamni gisepon cryogenic tank-rangko ra·bana gita official-rang rake kamko ka·enga ine ia biapko niangani ja·man a·dokni Chief Minister parakataha.
Chief Minister-ni u·iatani gitade, Jengjal-o rikenggipa Cryogenic Oxygen Plant-ko rikmanahaode ia oxygen plant-onikon Garo Hills-ni dambonga a·jarang baksana West Khasi Hills a·jani mitam biaprangnaba oxygen-rangko on·gnok.
