Jowai, Nov 09: Jaiñtia Hills Autonomous District Council-ni Winter Session-ko, a·gilsakko wate re·anggipa gitcham MDC-rangko gisik ra·angjolan baksa, sing·anirang aro aganchakanirangko dakanirangchi Butbar saloni a·bachengataha.
Council-ni CEM, Pa Thombor Shiwat, Council-ni official report-ni gimin chanchidilaha aro House Committee-ko songtaipilanio Dr. Sankey Shangpung-ko chairman-na, Pa Het Pohthmi-ko vice chairman-na aro committee-ni memborrangna Pa Awhai Andrew Shullai, Pa Lakhon Biam, Pa Saron Paswet aro Pa Aibotlang Shadap-maangko songanganikoba Council-o u·iatangjolaha.
Council-ni skanggipa tom·anio, 2011-12 aro 2012-13 bilsirangni Comptroller and Auditor General (CAG)ni bidingo MDC-rang chanchirimanga baksana, CAG-ni agan-ku·pattianirangko ra·gatani giminba uamang chanchirimjolaha.
