Jowai, July 11: Jaintia Hills Autonomous District Council-ni summer session-ko ong•atanio gitcham MDC aro MLA ong•anggitcham Singh Mulieh-ni sianina mande ra•aniko dakangaha. Sianggipa Mulieh, 1983, 1989, 1994, 1999 aro 2009 bilsirango Jowai constituency-ni MDC ong•angaha. Ua Meghalaya sorkarini ning•oba Minister-ni biapko ra•angaha.
Session-ni somoio council-ni dingtang dingtang report-rangko CEM, Thombor Shiwat parakangaha jeon council-o kam ka•enggiparangko gadang ra•doani, kamona gital rimnapani aro Shangpung baksa Nartiang biaprango Dolloi-na election ong•atna nangenganiko u•iataha.
Comptroller and Auditor General of India-ni 2009, 2010 aro 2011 bilsirangniko tarigimin report-rangkoba ra•bae session-o ra•chakataha aro uandake Meghalaya Governor-ni niamo ra•chakanina watdoataha.
