Shillong, Nov 15: Meghalaya a•dokni dingtang dingtang a•jarango kamko ka•enggipa Accredited Social Health Activist (ASHA) worker-rang, an•tangtangni man•gnirangko bariatchina dabie jingjengatanirangko dakengon, sorkari baksa apsan asonge agangrikna man•na gita re•bachina a•dokni Health Minister Ampareen Lyngdoh, ASHA worker-rangko okamataha.
Health Minister-ni parakatani gitade, ASHA worker-rangara a•dokni manderangna an•seng baljokaniko on•anio an•tangtang re•mikkangbae dangdike on•giparangsa ong•achim aro uamangna dormaharangko on•na gita maming ku•rachakanirangba dongjagenchimoba sorkari, uamangni kamni kri man•gnirangko on•engachim.
ASHA worker-rangna, kamni kri chu•onga gita dormaharangko on•aha ine janapatengon, jadokni gisepo kamtango gisik nanggipa mitam ASHA-rangde gong 31,000 aro mitamde gong 60,000-ko man•ahani gimin uamangni japrako man•enggipa gong 2000/-nade namen bate man•aha ine Lyngdoh parakataha.
An•seng baljokani kamrango ASHA-rangan mongsonggipa kamko ka•giparang gita ong•a ine janapatskaengon, “Mandena dangdike on•anian Isolna dangdike on•ani ong•a. Badiaba songo kenchakna nange an•o dongenggipa me•chikrang donggenchimode aro ASHA-rang uamangna simsak nirokanirangko on•jagenchimode Meghalaya a•dokni manderangna namjabatgipa somoirang ong•naba gnang. Uni gimin anga ASHA-rangna an•tangni man•a gitade dakchakanirangko on•na ku•rachakenga aro na•simang angko grongna sikgenchimode je somoioba angko grongena man•aigen indiba na•simang kamtangtangko watgalpanabe,” ine Lyngdoh mol•molataha.
Kamtangtangko ka•enggipa ASHA-rangkoba ua mittelpilataha.
Meghalaya a•dokni dingtang dingtang a•jarango kamko ka•enggipa ASHA-rang, an•tangtangni man•gnirangko bariatchina dabie re•anggipa November 6 tarikonin kamtangtangko ka•gija jingjengattokengachim ine nikna man•a.
Iakoba poraie nina man·gen: ASHA-rangni man•gniko bariatchina dabie a•song gimikon jingjengata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
