Jorhat, Feb 17: Bristibar attamo, Assam a·dokni Jorhat a·jao donggipa Chowk Bazar-o wa·al ching·gaoani a·sel, dam 100-na baten dokkanrangko wa·al kamchapaha.
Jolo songdongenggipa manderangni u·iatani gitade, ia bazar-ni mongsonggipa cholguga sambao donggipa ba·ra dokkano short circuit ong·ani ja·man wa·al kamchengaha aro uandaken ja·mano bazar gimikon wa·al giproroange dam 100-na baten dokkanrang kamchapako man·aha.
Wa·alko kimitna gita bol 25 wa·al kimitgipa garirang ua biapona sokbaaha aro adita kontarangna chirangko satani ja·man wa·alko kimitna man·aha ine Jorhat-ni SP Mohan Lal Meena parakataha.
Wa·al kamanio baditamangni gita noksan ong·ataniko man·ahachim, da·o dipet name aganna man·kujaenga indiba dam 100-na baten dokkanrangko chu·gimik kamako man·tokaha ineba SP aganaha.
