Shillong, August 4: Jowai ni Thomas Jones Synod College-ni Silver Jubilee-ni bak gita, jatni gana chinarangko gansusae mesoksusaaniko August 4 tariko ong·atangaha. Susaanio Jaintia Eastern College, Amwi College, Mihmytdu College, Riwar College, Amlarem Kiang Nangbah Govt College, Thomas Jones Synod College, Ummulong Presbyterian College aro St Anthony’s College bak ra·angaha.
Susaanio Kiang Nangbah College-oni Te Trebokmi aro Tra Sophia Laloo chegipa ong·aha.
Gnigipa biapko St Anthony Extension Byndihati-oni sakgni Te Mudang Dree aro Tra Puri Jusmi man·skaaha.
Apsan salon St Thomas Jones Synod College-ni dingtang dingtang Department nangrime Jatni chrok mesa- susaaniko aro git ring·susaanikoba ong·atjolaha.
Susaani bakko Te M Tyngkan dakdilaha. Synod College-ni Principal Dr D G Lyngdoh jinmao skia pora ra·ani aro jatni ganding chindingko chadamberangchi ripingna nangani kattarangko ra·chape aganaha.
Ia tom·anio JHADC-ni Deputy CEM Pa Laski Rymbai mongsonggipa sokgipa ong·aha.
