Jowai, Nov 29: Jowai-o donggipa District Jail and Correctional Home-ni Under Trial Prisoner ba koedi saksa Bristibar-o rang•gitik siaha aro sianggipa koedi-ni nokdangni manderang uni siani chong•mot a•selko sandichina dabiangaha.

Ia koedi-ara East Jaintia Hills a•jani Wapungskur songoni Tenkini Siangshai ong•achim aro da•o dipet uni siani a•selko u•ina man•kujaenga.

Koborko man•soani gita, Tenkini Siangshai -ko Ialong-o donggipa Jowai Civil Hospital-ona ra•baaha, indake ua hospital-ni authority-rang, hospital-ona sokbana skangan ua mande simanaha ine u•iatskaaha. Ia obostani bidingo Jail-ni authority-rang uni nokdangni manderangna Bristibar attamni bako u•iatahaon Siangshai-ni nokdangni manderang uni siani chong•mot a•selko aro biapko name sandichina sorkariko mol•molatskaaha.

Patoko donggipa koedi skarangni aganani gitade, Tenkini Siangshai-ko hospital-ona ra•angna skang ua ku•sik agana man•jaoba aro nom•bokgenchimoba mikselkuengachim ine u•ina man•aha.

Jowai Civil Hospital ning•ao pilak dakna nanggnirangko matchotman•o uni manggisiko nokdangni manderangna pakwatataha.

Na·simang ia video-koba nina man·gen: 

Na·simang iakoba poraina man·gen: India-ni Salgro Salaram jolo Science niksenga: IISF 2024

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub