Shillong, Dec 02: Batanggimin salo West Jaintia Hills a·jao a·sel-obosta ong·anggipani bidingo, Mukroh aro Block I-ni Pnar songrango donggipa Khasi jatrangko niam gri songdong-a·chagipangrangsa ine Karbi Anglong Autonomous Council-ni CEM, Tuliram Rongkhang-ni agananggipa kattako Sukrobar salo, a·dokni skotong skotong minister raken jegalataha.

A·dok ge·sa-ge·gipinni gisepo meligrikgijaniko ong·katatgnigipa kattarangko KAAC-ni CEM-ni agananina, skotong minister an·tangni suk ong·gijaniko parakange, indaka somoio uandakgipa kattarangko agananiara kraa ong·ja aro chinga iani bidingo Assam-ni skotong minister baksaba darango nangatgijan golpoaha aro ia mamlani gimin a·dok ge·gnini skotong minister-rang nanga gita ja·kurangko de·atenga ineba Pa Sangma parakataha.