Shillong, Sep 13: Shillong songjinmao gital rikgipa Karbi Hemtun guest house-ko Budbar salo, Assam a·dokni Chief Minister Himanta Biswa Sarma, nokdonggae on·angaha aro ia guest house-ko nokdonggae on·anio Meghalaya a·dokni Chief Minister Conrad K Sangma aro Karbi Anglong Autonomous Council (KAAC)-ni CEM Dr Tuliram Ronghang-ba dongpae bak ra·angaha.
Ia Karbi Hemtun guest house-ko nokdonggae on·angan baksana Shillong-o 100 bedded students hostel-cum-commercial building-ko rikna gitaba Assam-ni Chief Minister, pangchakaniko songe on·angjolaha.
Karbi Hemtun-ko nokdonggae on·ahani gimin Karbi Anglong-ni manderangna namgipa skaniko parakatengon, ru·utbea bilsirangna Assam aro Meghalaya a·dokni simarango ong·enggipa golmalrangko namatna gita da·o a·dok damgni kamrangko ka·engahani gimin ian a·dok damgninan gisik ra·beani somoi ong·na sienga ine Meghalaya a·dokni Chief Minister Conrad K Sangma parakataha.
Apsan daken, Shillong-o ia Karbi Hemtun-ko nokdonggae on·na man·ahani gimin Assam-ni Chief Minister Himanta Biswa Sarma-ba Karbi manderangna kusi ong·chakaniko parakataha aro ia guest house-ko rikanio pilak nanga dakchakanirangko on·ahani gimin Meghalaya sorkari aro Chief Minister Conrad K Sangma-ko mittelpilangaha.
Iakoba poraie nina man·gen: Garo Hills-ni bolrangko pale cha·anio joltangni manderang jak donga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
