Guwahati, Feb 15: Bilsi karirang dingtangroroaniko chagrongengani a•sel chong•motan, ding•anirang batroroengani, wachi karini somoio tik ong•e mikka wagijani aro ding•ani a•sel 2040 bilsini gisepode manderangni janggi tanganina aro pilak janggi gnanggiparangni janggina kenchakani ong•enga ine nikna man•enga.
Guwahati Press Club-ko ong•atanio Azim Premji University, Bengaluru-ni professor Dr. Santonu Goswami jinmana aganprakengon, medium-emission SSP 2-4.5-ni bidingo mikrakataniko on•angaha.
Assam a•dokni adita a•jarango jekai Tinsukia-o 0.83°C, Dhemaji-o 0.76°C aro Dibrugarh-o 0.74°C mangni gita da•ona bate ding•anirangko mikkangchi chagrongnasienga.
Indake ding•kariosan ong•aigija sin•karioba ia a•doko ding•batanirangko chagrongnasienga. Assam a•dokni South Salmara-Mankachar-o 1.6°C, Jorhat-o 1.46°C aro Chirang-o 1.4°C mangni gita ding•bataniko chagronggen aro iandake ding•aniko chagronganichi manderangni janggi tanganio, ge•a gamanio aro dingtang dingtang bewalo neng•nikaniko chagrongna nangao ga•akgen ine nikna man•a.
Una agreba, Jorhat, Majuli aro Nagaon a•jarango agre ding•dugaaniko man•ani a•sel mandeni be•enna namgijagipa sabisirangkoba chagronggen ine niksamsoenga.
Apsandake, mikkarang tik ong•e wajagenchimode china dilaniko chagronggen, ge•a gamanio neng•nikaniko man•gen aro uasan ong•aigija mikkarang waahaon chi ban re•anina kenchakani ong•skaenga.
Indake ong•engon, Dr. Goswami, district-level climate projections chong•motan, somoini kri karirangni dingtangroroaniko mikrakataniko on•gipa ong•a jekon a•songni je mandeba ia climate data-ko download ka•e jakkalna man•ani bidingo u•iatangaha aro Assam a•dok sorkarikoba, iandake ong•telaigipa a•selrangoni naljoke simsaksona man•a gita ia cholko jakkalchina didiangaha.
Na·simang ia video-koba nina man·gen:
Na·simang iakoba poraina man·gen: NPYF National Secretary Dabo Marak, Garo Hills Times-ni ong•gija koborko on•aniko jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
