Nengkong, Feb 10: Meghalaya a⋅dokni skotong minister Dr. Conrad K Sangma, Kharukhol, Nengkong, Emangre aro Tolegreo tarienggipa ramako nieaha.
Nengkong songo tom•dakenggipa manderangna aganengon, skangode ia jolni rama-jal•angrang namen namjabeachim. Manderang rama-jal•ang namjani gimin, skul nokrang namjani gimin aro mobile tower, ba network connectionrang dongjani gimin suk ong•tokjachim. Ia jolni namgnina sorkari rakbee kam ka•enga, rama-jal•ang aro ringani chirangko songrangona sokatna kam ka•anirang chu•sokengaha, PMGSY ni gita ia jolrangna ramarangko tarie on•anichi jolni manderangni re•a-doanio nambatgnok ineba ua aganangaha. Siju-Rongarani MLA Shri Rakkam A Sangmaba sorkarini ia jolni rama jal•angrangko namdapatna kam ka•engani gimin mittelpilani kattarangko aganangaha.
