Shillong, Nov 22: West Jaintia Hills a•jani Mukroh songo Assam police-rangni goanichi Meghalaya a•dokni mande sakbonga aro Assam-ni Forest guard saksa so•otako man•ani ja•man Khasi aro Jaintia Hills a•jarango konta 48-na internet-ko Meghalaya sorkari dontongatchengaha.
Janapgimin a•jarango Mongolbar pring 10:30 bajioni a•bachenge konta 48-na internet-ko a•dok sorkari dontongatchengaha.
Iani bidingo u•iataniko on•atengon, West Jaintia Hills a•jani Mukroh songo ong•nanggija a•sel ong•ahani gimin West Jaintia Hills, East Jaintia Hills, East Khasi Hills, Ri Bhoi, Eastern West Khasi Hills, West Khasi Hills aro South West Khasi Hills a•jarango maming so•sojengjeng ong•dapanirang dongjana gita Meghalaya Police Headquarter-oni internet-ko dontongatchengaha ine Home (Police) Department parakataha.
