Guwahati, Jan 8: Congress-ni MP Gaurav Gogoi, niamgri koela cho•aniko champengna gita 2014 National Green Tribunal (NGT)-ko ra•gatna man•gijanina Assam sorkarini kosako matnangataha.
Kobor ra•timgiparang baksa agangrikengon, 2014 NGT-ni gita champengataniko dakani gisepon, Assam a•doko niamgri koela cho•aniko dakengkuanina an•tangni aiao inmananiko parakatan baksana ian name dukni katta ong•a ineba aganangaha. Dima Hasao, Umrangso-ni koela a•damo jachange dongenggiparangni daito-ko a•dok sorkari ra•na gita nanggen ineba ua aganangaha.
Una agreba, Gogoi uni X (Twitter)-o, Dima Hasao-ni koela a•kolo jachange donggipa manderangko naljokatna jotton ka•anirang chu•sokenba uamangko ta•rake aro naljoke rimbapilna man•a gita bi•aniko dakan baksana uni bi•anirang duko ga•akgipa nokdangni manderang ong•china ine seataha.
Naljokatani kamrangko ka•enggiparangko ua ta•raken simsak nirokaniko dakchina gita didiatan baksana koela cho•enggiparangni naljokani bidingo simsakgija dakgiparangni kosako rakgipa ja•ku de•anirangko dakchina gitaba ua didiataha.
Assam a•dokni Skotong Minister, Himanta Biswa Sarma, Sixth Schedule man•gipa jolrang jekai Bodoland Territorial aro Karbi Anglong jolrangode a•dok sorkari chu•gimik bilrangko jakkalna man•ja ine aganataha.
Iani gisepon, Assam police chanchichipenggipa Punish Nunisa-ko rim•enba, koela cho•ani niamrangko pe•ani bidingo sing•sandianirangkoba a•bachengataha.
Na·simang ia video-koba nina man·gen:
Na·simang iakoba poraina man·gen: Shillong Western bypass project-ni a•ana tangka dabia ine HYC-ni matnangako songni mande saksa jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
