Shillong, May 23: Batanggimin konta 24-ni gisepon Meghalaya a·dokni dingtang dingtang biaprango COVID-19 man·e siangdapaha aro ia apsan salon a·dok gimiko sak 803 manderang COVID-19-ko man·dapskaaha.
Robibar salo COVID man·e sianggipa sak 22-oni sak 17-de East Khasi Hills-o aro sak 5-de West Jaintia Hills a·jao ong·a.
Batanggimin konta 24-ni gisepo gimik sak 553 manderang ia kenbegnigipa COVID-19-oni nampilskana man·aha.
Robibar salo positive ong·gipa sak 803 manderangko channe a·doko COVID man·e dongenggiparang gimik sak 7682 gapengaha aro nampilgiparangara sak 1542 gapskaengaha.
Da·o dipet Meghalaya a·dok gimiko COVID man·e sianggiparang sak 457 gapskaengaha.
Konta 24-ni gisepo COVID positive ong·gipa sak 803-oni sak 9-de East Garo Hills-o, sak 34-de East Jaintia Hills-o, sak 484-de East Khasi Hills-o, sak 10-de North Garo Hills-o, sak 27-de Ri Bhoi a·jao, sak 19-de South Garo Hills-o, sak 45-de South West Garo Hills-o, sak 52-de South West Khasi Hills-o, sak 52-de West Garo Hills-o, sak 55-de West Jaintia Hills-o aro sak 16-de West Khasi Hills a·jao ong·a.
