Shillong, August 14 : Budbar salo, Khasi Students’ Union (KSU) dolrang, Bangladesh baksa sima ari man•gipa South West Khasi Hills a•jaoniko Bangladeshi ine chanchichipenggipa sak 24 manderangko rim•aha.
Rim•a man•gipa sak 24 manderang lekka pancharangko mesokna gita man•jaha jeni a•selan uamangko Bangladesh-ni manderang ong•naba donga ine chanchichipna nang•ao ga•akenba, Ranikor Circle-ni KSU dolrang uamangko ta•raken sing•sandianirangko dakchina gita police dolrangna pakwate on•ataha, inenba KSU dolrang u•iataha.
Bangladesh a•songo so•so jengjeng ong•engani gimin, KSU dolrang, Border Security Force (BSF) dolrang, police department-rang aro South West Khasi Hills a•jani district administration-ko Bangladesh-oni niamgri napsrukbagiparangko champengsona gita nanggipa ja•ku de•anirangko dakchina gitaba mol•molaniko dakangan baksana bebe gita BSF dolrang aro district administration-rang a•dokona niamgri namsrukbagiparangko champengsoani kamrangko chu•sokatja ong•ode uamangni kosako rak•gipa ja•ku de•anirangko dakanggen ineba mikrakataniko on•angaha. Uasan ong•aigija, KSU dolrang, contractor ba kam ka•na rakkigipa manderangkoba, Bangladesh-ni manderangko hajira ka•na ba gipin kamnaba rakkijachina gita raken mikrakataniko on•angaha.
Na·simang ia video-koba nina man·gen:
Na·simang iakoba poraina man·gen: East Garo Hills-ni KVK chadamberangna post-harvest management technology-rangni bidingo vocational training program-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
