Shillong, April 21: Da•o dipet Meghalaya a•doko hisape dongimin lak 6 metric ton koelarangko, Coal India Limited (CIL) dakkie palgalaha aro re•baenggipa May jani gisepo lak 12 MT koelarangko palgalna man•na gita kamrangko ka•engaha ine Sukrobar salo, kamoni neng•takgimin Justice BP Katakey parakataha.
Seokgimin depot-ona salgimin koelarangko ua hisapmanaha aro ia koelarangara lak 14 metric ton-mangni gita ong•a ine janapatengon, High Court-ni on•gimin somoi gitade, May jani bon•angachibara a•dok sorkari, lak 12 metric ton koelarangko palna nangenga aro da•o dipet Supreme Court-ni on•gimin raio pangchake lak 6 metric ton koelarangkosan CIL palgalna man•engkua ine Katakey parakataha.
