Shillong, Feb 10: Control of Land & Traffic Act 2002-niko kajina ra•ani bidingo agangrikna gita Sukrobar salo, Grand Council of Chiefs-ni Chairman John F Kharshiing, Nongkhlaw, Mariaw, Rambrai, Muiang aro Nangmynsaw-ni dilgipa baksa, Meghalaya a•dokni Chief Secretary DP Wahlang-ko grongeaha.

Joltangtangni a•arangoniko kajina ra•ani bidingo District Council Affairs department-ni chittiko seatani ja•man uamang, a•dokni Chief Secretary-ko grongeaha.

Ia tom•anio kosako janapgimin jolrangni dilgipa, an•tangtangni a•jao kajinarangko gilna gita High Court-ni bil on•gipa lekkakoba sorkarina mesokangaha.

National Highways Authority Act 1988-ni ning•o ga•akgipa ramarangoniko sawa kajinako gilna man•a ineba ia tom•anio uamang, a•dokni Chief Secretary-ko sing•doangaha.