Shillong, Feb 15: Shillong songjinmao gitchambatsranggipa skulrangoni damsa, Lumparing Presbyterian School-ni bilsi 100 gapaniko Mongolbar salo maniangaha aro ia manianio South Shillong-ni MLA Sanbor Shullai-ba bakko ra•e jinmana aganprakangengon, lekka porako mandeni janggi tanganio nangchongmotasan ong•aija indiba lekka porania janggini pangchakanian ong•a ine parakangaha.

“Anga namen kangalbegipa nokdangoni ong•a indiba anga rakbee kamrangko ka•anichi aro poraianirango namen bimchipgipa ong•anichi da•alo iandakgipa obostaona sokdopana man•aha,” ine Shullai aganaha.

Lumparing Presbyterian School-o skigiparang dormaha komibeesa man•genchimoba rakbee kamrangko ka•enga ineba jolni MLA, mittelpile aganangaha.

Ia manianio, 15th FC (Untied Scheme) 2020-21-ni ning•o KHADC-ni rike on•gipa gital skul nokkoba MLA-ni jakchi nokdonggae on•angjolaha.