Shillong, Nov 16: Khasi ku·sikchi sea-jotanirango bang·en on·gilanirangko dakanggipa aro 19-gipa chasongo saksa namen niksenbegipa lekka-ki·tap serakgipa Rabon Sing Kharsuka-ni chang 112-gipa siani salko, Rabon Sing Kharsuka Memorial Committee, Butbar salo gisik ra·aniko dakangaha.
Saksa niksenggipa ki·tap serakgipani siani salko gisik ra·na gita, Bachelor’s degree aro Master degree-ko poraigipa aro Khasi subject-o nambata mark-rangko man·e niksenganggipa sakgni chatrorangko, ia programona mongsonggipa ong·e sokgipa St Edmunds College-ni Principal Dr Sylvanus Lamare, aro Mawkhar-ni Assistant Rangbah Shnong aro North Shillong Constituency-oni NPP-ni tikito mikkang bilsini eleksino susana am·enggipa, Pa Ransom Suntnga-maangchi mande ra·pilskaanikoba dakangaha.
Rabon Sing Kharsuka sagi, Khasi ku·sikchi segipa ki·taprang jekai – Ka Kitab Niam khein ki Khasi, Ka Kitab Jingphawar, Ka Jingiathuh khana Puriskam (Folk tale)-rangko sea baksana, Khasi songbatrang jekai – U Nongapphira, Ka Kot Khubor Khasi, U Nongialam Katholik ba ugitarangna an·tangni seanirangko bang·en on·gilronggipaba ong·achim.
