Guwahati, Apr 19: Olakkiram nokdringrango loudspeaker-rangko jakkalani gimin a•song gimikon jijagrikanirang ong•engon, ia loudspeaker-rangara toromni mongsonggipa bak ong•ja aro badiaba biaprango ia loudspeaker-rangko ra•chakna man•jaenga ong•ode loudspeaker jakkalaniko champengaton nambata ine Assam-ni Chief Minister Himanta Biswa Sarma parakataha.

Sarma-ni parakatani gitade, toromo loudspeaker-rangko jakkalaniara mongsonggipa bak ong•ja aro porikkani somoirango iandake olakkiram nokdringrango loudspeaker-rangko jakkalani a•sel chatro chatrirang neng•nikanirangko man•enga ong•ode loudspeaker-rangko jakkaljaon nambatgipa ong•aia.

Indake ong•engon, batanggimin jasani gisepon Bangladesh a•songni bobil dolrang baksa jak donganina Assam-o sak 12-na baten manderangko rim•ani ja•man PFI-ko champengatchina gita Assam Chief Minister dabiangtaiaha.