Shillong, Feb 6: Bilsiantian February jani skanggipa Robibar salo Seng Khasi bebera·giparangni dakrongbewal gita da·al Robibar salni bakoba hajalni hajal Seng Khasi bebera·giparang, metre 1,344 ong·e chugipa Lumsohpetbneng a·briona doange, dingtangmancha Nokgipa Isolo apsan bi·rimanirangko aro olakkianirangko dakangtokaha.
Seng Khasirangni bebera·ani gitade, skango ia Lumsohpetbneng a·briona salgioni sonani jang·ke dongachim, jekon uamang Jingkieng Ksiar ine mingachim.
Mandeni gaora aro papni a·selsa ia sonani jang·keko pe·e galaha ineba uamang bebera·a aro uandaken bilsiantian February jani skanggipa Robibar salo, ia a·briona doange Nokgipa Isolo olakkianirangko dakrongenga.
