Tura, Sep 23: Inter-Mahari Football Tournament-ko Tura-o ong•atani batanggimin antio matchotangaha aro ru•itgijan minggipin susaaniko chong•motan Inter-Mahari Swimming Competition-ko Garo Hills-ni Tura-o ong•atskanasia.
West Garo Hills District Swimming Association (WGHDSA) aro District Sports Office nangrimenba, re•baenggipa October jani 25 aro 26 tarikrango, Inter-Mahari Swimming Competition-ko Tura Rongkhon-ni Durama College sepango donggipa Tura Swimming Complex-o skanggipa changna ong•atnasienga.
Ia jrosusaanio jrosusagiparang, dingtang dingtang gadangrango jekai, 25 meter, 50 meter, 100 meter, Freestyle, Butterfly aro Backstroke gadangrango jrosusaanggen. Aro unbaksana ia susaanio, bilsi 18 komigiparangna aro bilsi 18 batgiparangna, me•a aro me•chik dolgni dake susaanggen.
Jemangan ia susaanio bak ra•na sikengachim uamang, Rongkhon-ni Durama college sepango donggipa Swimming Complex aro Tura Dakopgre-o donggipa District Sports Office-oniko gong 100 ka•e form-ko ra•ena man•gen.
Hub News baksa agangrikengon, WGHDA-ni VP, Sengrak D Marak, ia susaaniko ong•atengani miksonganiara, jrosusaanio bak ra•giparangoni nambatsranggiparangko basee, re•baenggipa 2025 bilsio Meghalaya Games-ko Jowai-o ong•atanio bak ra•atna seokenganiba ong•achim ine aganaha.
Bang•bata manderangan jrona changgenchimoba tournament aro championship-na jrosusaanio, jroani niamrangko name u•ikuja, uni gimin bak ra•gipa sakantinan ia jrosusaani niamrangkoba, WGHDSA skie on•anggen ineba ua agandapataha.
Indake ru•uta bilsirangna galchipe dongipa Tura Swimming Complex-ko, batanggimin January jao Meghalaya Games 2024-ko ong•atna skangmangmang taritaipilaha aro ia Swimming Pool-ko a•dokni nanganina jinma jakkalna gita kulie on•aha.
Na·simang ia video-koba nina man·gen:
Na·simang iakoba poraina man·gen: Chaygaon Industrial Growth Centre-o skanggipa changna free eye check up camp-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
Download our app from playstore – Northeast Media Hub
