Shillong, Sep 30: Ri Bhoi a•jani Mahatma Gandhi University (MGU)-o poraienggipa chatro chatrirangni badi ka•anirangko man•ani ja•man chatro chatrirangni dingtang dingtang neng•nikanirangko ma•sie ra•na gita Sombar salo, Hynniewtrep Youth Council (HYC)-ni dilgiparang, University-ni Registrar Dr Sarika Dixit-ko grongenba agangrikeaha.
MGU-ni Registrar-ko grongani bidingo kobor ra•timgiparangna talate on•angengon, University-o a•dokni aro ma•mongni chuttirangko on•rongjaenga aro University campus-o jat baseanirang ong•enga ine chatro chatrirangni badi ka•anirangko man•ahani gimin uamang University-o sing•sandianirangko dakeaha ine HYC-ni vice president RC Thangkhiew parakataha.
University-o joltangni candidate-rangna uamangni chu•sokanio pangchake aro University-ni niamrango pangchake kamrangko on•chengchina gitaba uamang MGU-ni Registrar-ko didiaha ineba HYC-ni vice president parakataha.
A•bachengode uamangni mol•molanirangko University-ni Registrar knachakna gita gisik nangjahachim indiba ja•mano talbate chanchirimanirangko dakangani ja•man, chatro chatrirangni nanganirangko niatna gita Registrar ku•rachakaniko on•ataha ineba HYC-ni dilgiparang parakataha.
Na·simang ia video-koba nina man·gen:
Na·simang iakoba poraina man·gen: Salsani Handicrafts Workshop-ko Ampati-o ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
