Shillong, Aug 13: Brigipa changna Mairang constituency-ni MLA ong·enggipa Metbah Lyngdoh-ko Sonibar salo, United Democratic Party (UDP)-ni president-na seokpiltaiaha.
Metbah Lyngdoh-ko 2019 bilsini September 11 tariko, Assembly-ni gitcham Speaker aro UDP-ni gitcham president Dr Donkupar Roy-ni siangani ja·man UDP-ni president-na seokchengahachim.
UDP-ni tom·a matchotani ja·man kobor ra·timgiparangna talate on·angengon, UDP-ko bilakbatate re·dilangkuna gita uamang kakket ong·e kam ka·gen ine Lyngdoh parakataha.
Ia bilsini Assembly election-o dam 12 seat-rangko chena man·ahani gimin UDP-ni pilak membor-rangko mittelpilangengon, UDP-ni membor sakantian rakbee kamrangko ka·ahani a·selsa ia chu·sokaniko man·aha ine UDP-ni president parakataha.
Dam 12 seat-rango uamang chu·ongnikkujaengani gimin mikkangchi nambate dakna gita uamang tik ka·aha ineba Lyngdoh parakataha.
ILP-ni bidingo sing·anina aganchakaniko on·angskaengon, Meghalaya a·doko ILP-ko ra·gatna gita ku·rachakaniko on·kujaskal uamang ma·mong sorkari baksa agangriktaitaigen ine Lyngdoh parakataha.
Adita salrangna skangsan, a·dokni Chief Minister Conrad K Sangma-ni dilanichi Meghalaya a·dokni cabinet minister-rang New Delhi-ona re·angani somoio a·songni Prime Minister Narendra Modi-ko grongenba, Khasi aro Garo ku·sikrangko Constitution-ni Eighth Schedule-o napatna nangengani gimin agangriktaiaha ineba UDP president parakataha.
Indake ong·engon, Nongthymmai-ni gitcham MLA Jemino Mawthoh-koba UDP-ni general secretary-na seokpiltaiaha indiba Bindo M Lanong-ni pal, BG Momin-ko UDP-ni adviser-na seokskaaha ine kobor on·timgiparang parakataha.
Iakoba poraie nina man·gen: Independence Day-ko maniani ja·manosa tom·tomaniko nangnikenggipa ULFA bobil dol baksa agangrikaniko dakangtainasia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
