Guwahati, Mar 7: Majuli Assembly constituencyni bye lekka pu•onsusanio 70% pu•onangaha. Ia lekka pu•onsani sombar salni pringni 7 bajioni a•bachenge attam 4 bajiona tom•tome matchotang matchotangaha, jeon Central Armed Police Forces dolrang name niroke chelchakanirangko on•angaha. Ia election-o gimik gimang sak 65,33227 pu•onangtokaha jeon sak 65,408 me•chikrangkoba man•chapa. Ia pu•onsusaanio BJPni candidate Bhuban Gam, Assam Jatiya Parishad ni Chitaranjan Basumatary aro Socialist Unity Centre of Indiani Bhakty Richong mongsonggipa susagiparang ong•a. Congress aro gipin opposition partyrangde Basumataryna chakpaaiaha. Pu•onsusaanio covidni niamko ja•rikangchina election commission rake niamrangko donatani a•selo pilakan mask rangko gane, hand sanitizer rangko jakale niamko ja•rikpaaha.
Ia lekka Assamni chief minister gitcham Sarbananda Sonowal ko Rajya Sabhani memberna seokako man•aanin bangbang ong•engani gimin ia election ko ong•atangtaina nangahachim ine nikatna man•a.
