Jowai, Jan 23: East Jaintia a•jani Seinraij Khlieh Myntrang ingipa biapo Knap Thangbru ba mande sigiminko so•chakna rikgipa nokko, Khlieriatni MLA Kyrmen Shylla, MLA gitcham Justine Dkhar aro JHADCni MDC Lomris Lyngdohni dongpaanio oprake on•angaha. Iako rikna 2008 bilsionin a•bachengaha aro MLA gitcham Justine Dkharni on•atgipa tangka lak chi•gniko man•e 2018 bilsio rikchakatna a•bachengtaiaha, uni ja•man MLA Kyrmen Shylla Laksni aro MDC Lomris Lyngdohba laksa tangkako on•atpaaha ine Seinraij khleih myntriangni Joining Roy Lyngdoh u•iataha. Ia nokna nangchongmotgipa paikana aro au-miksuchakani dringrangko aro ramarangko BDO officeoni dakchakaniko man•e rikaha ineba u•ina man•a
Jaintia Hills a•jani ning•o mande sigiminko so•chakna rikna nangkuenggipa aro rikenggipa nokrangna chinga dakchakgen aro ia Seinraj khlieh Myntrangna rikgipani samtangtango namdapatna nangkuenggiparangnade tangka 2.50 ko on•attaigen ine Kyrmen Shylla aganaha.
Ia tom•aniko Sein Raij Shnong Khlieh Myntrangni dakchakgipa padot dakdilaha aro tom•anio M. Biam, Raij Tuberni dakchakgipa padot L. Shyllamangba dongpaaha.
