Imphal, Jan 24: Manipur a•dokni Assembly election-ko re•baenggipa February 27 aro March-ni 3 tariko bakgni dake ong•atna siengon, dam 40 constituency-rangoni dam 20 constituency-rangna National People’s Party (NPP)-ni candidate-rangko skanggipa bako NPP-ni national president aro Meghalaya a•dokni Chief Minister Conrad K Sangma parakataha.
2017 bilsini Assembly election-o NPP dol, seat dambriko chee da•o BJP sorkarini bak ong•paahachim indiba ia changode bang•bata seat-rangko chena ka•dongengani gimin NPP, doltangari suskaengachim.
Manipur Assembly-ni dam 20 constituency-rango susana gita seokako man•gipa NPP-ni candidate-ranga, 3-Khurai Assembly constituency-na Laitonjam Jayananda, 4-Kshetrigao-na Sheikh Noorul Hassan, 6-Keirao AC-na Alhaj Mohd. Nasiruddin Khan, 10-Uripok AC-na Yumnam Joykumar, 12-Keishamthong AC-na L Jayantakumar, 13-Sinhjamei AC-na Oinam Romen, 14-Yaiskul AC-na Huidrom Vikramjit, 17-Lamshang AC-na Sumati Devi, 18-Konthoujam AC-na K. Sarat Singh, 20-Langthabal AC-na Karam Nabakishor Singh, 22-Wangol AC-na Kh. Loken Singh, 23-Mayang Imphal AC-na U Ramesh Singh, 25-Oinam AC-na I. Nalini Devi, 27-Moirang AC-na Th Shanti Singh, 33-Heirok AC-na N Diten Singh, 34-Wangjing Tentha AC-na Usham Manglem Singh, 36- Wabagai AC-na M. Ranjit Singh, 38-Hiyanglam AC-na Maibam Dhanabir Singh, 41-Chandel AC-na Lunkhopao (Apao) aro 49-Tadubi AC-na N Kayisii ong•enga.
