Imphal, Jan 6: Sukrobar salo, Union Home Minister Amit Shah, Manipur a•doko dingtang dingtang matchotgimin project-rangko a•bachengate on•angan baksana dingtang dingtang project-na pangchakanirangkoba songe on•angaha.

Ia salni bako ua Manipur a•dokna gong crore 300-ni matchotgimin project-rangko a•bachengate on•angenba gong crore 10,000-mangni project-rangna pangchakanirangkoba songe on•angaha.

Skanggipa Union Home Minister, Manipur a•dokni Sangaithel Hillock-o skanggipa Olympic Park-ko nokdonggae on•angaha aro uni ja•man Moirang-ni IMA headquarter-o feet 165 ong•gipa a•songni nisanko songdoe on•angaha.

Moirang-o Union Minister Amit Shah, jinmana aganprakangengon, batanggimin bilsichetni gisepo BJP sorkari, gong Crore lak 3.45 tangkarangko salgro salaram a•dokrangna chame on•aha indiba iana skang ong•anggipa gitcham sorkaride salgro salaram jolrangna tangka paisarangko chame on•na man•jaha ine parakataha.

Batanggimin bilsi bongani gisepo BJP, Manipur a•doko pilakni gitan namroro silroroaniko ra•bana kamko ka•aha ineba Shah parakataha.