Shillong, May 19: Inter State Bus Terrminusko Shillongni Mawlai Mawiongo rikenggipa nokko name rikjaenganina BJPni central scheme monitoring committee dolrang jegalani reportko on•angna sienga. Bristibar salo ia biapko BJP dilgipa AL Hek aro monitoring committee nina re•angaha. Uano rikenggipako name aro kraa gita dakjaenga jenan kror 48.31 tangkako ma•mong sorkarioni chamatahachim indiba rikna cho•na nanga gita dakjaengani gimin iana jegalani lekkako sedoatgnok ine AL Hek u•iataha. Ua biapko re•roroe nianio Deputy General Manager Salseng A Sangma an•tangan dongpae pakmarangni bretenganiko aro nokkingrangni chi selaniko nikbaaha ine BJP dilgipa agandapaha.
“A•palchini songre-songgabatgiparangni naljokanina chinga naljokaniko on•a kang•kare kaa, maibakai ong•nanggija obostarang ong•na nangode a•dokna namgija biming man•ani ong•gen” ine songre-songbatgiparangni naljokanina sing•on BJP ni dilgipa AL Hek aganaha. ISBT-o bijoliko name teng•atna generator rangko jakkalna nangani bidingoba Pa Hek aganaha.
