Tura, Oct 25: Williamnagar-ni Congress dolni saksa a·gipi dilgipa aro Meghalaya Civil Services (MCS) officer gitcham Pa Santosh R Marak, ka·tong saaniko rate sananio neng·nikanirangko man·ani ja·man Butbar salo, Chennai-ni Appolo Hospital-o janggi galaha.

Sianggipa Pa Marak, adita bilsirangna kingking ka·tong saaniko man·engachim, uandake salsao uni saarang biljimbatani gimin uko joljolan Chennai-chi rate sanna gita ra·anggitikaha.

Pa Santosh Marak, A·chik jatoni MCS officer ong·chenggipa adita sakoni uaba saksa ong·paachim aro uni a·gilsakko watangani somoio East aro North Garo Hills-ni MPCC-ni general secretary ong·eba ua dangdike on·engachim.

Saksa MCS officer ong·enba niam gita ja·rike kamtangko kakket ong·e ka·miting somoio ua bang·a changon politician-rang baksaba nanggrikrongaha, uandake, changsao ua ”angan, dingtang dingtang biapchina watruraako man·batgipa MCS officer ong·gen” ine aganahachim.

Kamtangoni ua voluntary retirement-ko ra·e BJP dolo ja·napangenba batanggimin 2013 bilsini assembly election-o Williamnagar constituency-oni susae cherikjani ja·man, BJP doloni ong·kate Congress dolchi napangskaaha aro ia bilsini eleksino apsan constituency-o susagipa Ma Deborah Marak-na campaign-ko ka·chakangaha.

Iakoba poraie nina man·gen: Dingtang dingtang NGO-rang, Chokpot CHC-ko nirokea

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub