Shillong, April 13: Meghalaya a•doko sorkarini kamna rakkiani bidingo ba job reservation-ni bidingo roster system gita ja•rikja ine skotong minister butbar salo aganaha.

Cabinet tom•a ja•mano aganengon, ia job reservation-ni bidingo Meghalaya a•dok bilsi sotbongani gisepo roster system gita sorkarini kamna seokaniko dakjaha aro iako nigrike kam ka•angna aro bon•kamgipa affidavitko high courtona watatna skang name dake nigrike nikugen ine skotong minister aganaha. Be•eni aro gisikni gita bilgrigipa sokdopagijagiparangnade Meghalaya sorkari roster system ko dake on•manaha. Job reservation policyni bidingo Meghalaya high courtni tik ka•gimino pangchake cabinet chanchigrikangaha aro adita salrangni ja•mano iani gimin chanchigrike high courtna aganchakaniko watatgnok ine skotong minister Conrad Sangma agandapaha.