Shillong, May 5: Meghalaya a•dokni skotong minister Conrad K Sangmako uni game-ge•e cha•gipa aro bading-chiwalgipa manderangna dingtang dingtang cholrangko sandie dakchake namgniko on•enganina Sikim a•dokni skotong minister Prem Singh Tamang mittel-mitchuangaha. “Salgro-salaram a•dokara game-ge•e cha•anina aro aro dingtang dingtang bosturangko badinggrike cha•na namgipa biap ong•a. An•ching damsan meligrike kam ka•na man•genchimode an•chingni a•dok tang•dororona man•gen” ine Tamang aganaha. Sikkim a•dokba Salgro-salaram a•dokrangni Food show-o bak ra•angenga.

Salgro-salaram a•dokrangko silroro-namroroatanina kam ka•engani gimin ua A•songni prime ministerkoba mittelangaha.