Shillong, Jan 31: Bristibar salo, Skotong Minister Conrad K Sangma, ma•mongni gita a•dokni dam 3 biaprango koela cho•aniko on•a namnike ra•chaka jaman a•doko scientific mining ba niamo pangchake koela cho•aniko ta•raken a•bachengatgen ine parakataha.
2014 bilsio, National Green Tribunal (NGT)-ni gita koela cho•anirangko champengataniara namgnikosa dakaha maina a•dokni manderang bilsi 100 ba 200-na batpile koela cho•anio pangchake janggi tangaha inenba ua janapataha.

Budbar salo, West Khasi Hills a•jani Pyndengshalang, East Jaintia Hills a•jani Saryngkham aro East Jaintia Hills a•jani Lumiakhi-Wahsarang-o niam gita koela cho•aniko a•bachengatna gita India sorkarini Controller of Coal, ia project-rangna ming 3 songgigrikanio soi ka•aha.
Batanggimin somoirango ku•rachakgimin gita a•doko niamo pangchake koela cho•aniko a•bachengatna uamangni sorkari, Coal Ministry baksa bakrime kamrangko ka•enba da•alo ia ku•rachakaniko chu•sokatna gita man•aha inenba, Sangma uni X (Twitter)-o see parakataha.
Uasan ong•aigina, ia minggittam project-rangna agreba da•o ming 12 dorgasto-rangkoba ra•chakna siengaha ine u•iatan baksana, ia kamrangko ta•raken chu•sokatna gita a•dok sorkari, Mining and Geology Department baksa kamrangko ka•enga ineba Skotong Minister parakataha.
Niamo pangchake koela bikotaniko a•bachengatanichi niamgri koela cho•e ra•angani neng•nikanirangko bon•atan baksana karkanarango niam gita kamrangko nambate ka•na man•gnok ine an•tangni ka•donganiko Sangma parakatan baksana, a•bachengode niamo pangchake koela bikotna gita chol dongjachim ine aganengon ia gitalgipa niam uamangna kamo pangkamaniko ra•bagnok ineba janapataha.
Koela bikotgipa ge•antion niamo pangchake koela bikotani niamrangko jarikna gita nanggen ine u•iatengon, ia koela a•damrangoniko bilsiantin tangka gong kror 500-oni 900-rangko man•a ka•dongsoengon, badita mancha tangkarangko man•gen uade badita mancha koelarangko bikotana man•a unosa pangchakgen ineba ua janapataha.
Na·simang ia video-koba nina man·gen:
Na·simang iakoba poraina man·gen: Drugs badingsrukgipa saksako pekatgipa bosturang baksa South Salmara Mankachar-niko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub