Shillong, Nov 26: Changgittamgipa Bloomverse Festival 2025-ko 2025 bilsini February 14 tariko Meghalaya-o ong•atnasitaiengaha. Ia manianiko dingtang dingtang dolrangni doka dam•ani baksa ring•mesokaniko dakanina mingsinga, jean salgro salaram jolrango balrorokarini sokbaaniko gisik ra•e manianiba ong•achim.
Ia apsandakgipa manianiko chong•motan, Bloomverse Express manianiko 2025 bilsini February 16 tariko, Bengaluru-o ong•atangskagen.
Batanggimin bilsioba a•songtangni aro gipin a•songoni dingtang dingtang dolrang jekai, Anuv Jain, The Midnight, The Yellow Diary, Lifafa aro BLOT dolrang aro salgro salaram jolrango ni, Lucid Recess, Bishrut Saikia, Meba Ofilia, Chorun Mugli, Meewakching aro Polar Lights dolrang bak ra•enba ia manianiko namen an•soatbeaha.
Indake 2025 bilsini manianio, mingsingbegipa dol Mr. Big-ko an•saodilchina rimbaskaenga.
Uamangni bonkamgipa songreani bak gita, ‘The BIG Finish Tour’ Mr. Big aro Eric Martin, Paul Gilbert aro Billy Sheehan, uamangni mingsingbegipa album ‘Lean Into It’ ingipa gitko gipin gitrangna agreba ring•anggen. Iandake uamangni bak ra•e ring•mesokanian salgro salaramo doka dam•ani a•bao ian gisik ra•gnigipa sal ong•skagen.
Ia Bloomverse Festival 2025-o doka dam•a baksa ring•mesokanirangna agreba dingtang dingtang cha•a ringanirangko song•a channanikoba aro gipin dakarikanirangkoba dakangnasienga.
Na·simang ia video-koba nina man·gen:
Na·simang iakoba poraina man·gen: Me•chik saksako kragija doka satanina me•asa saksako bilsi 5-na patoko chipata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
