Shillong, March 1: Congress dolko mikkangchake dilna gita Meghalaya Pradesh Youth Congress (MPYC) sak 11 membor-rangko seokangaha. Adrian L Chyne Mylliem-ko President-na, Dakchakgioa Padot-na Banphira Lang Basaiawmoit, Henry Kharmuti aro Lashimtimon Kharsohtun aro saksniko General Secretary-na seokangaha. MPYC-ni President a⋅doko pekgipa ringa cha⋅anichi chadamberangni nosto ong⋅ataniko man⋅enganina suk ong⋅gijaniko parakengon, ian janggitangani cholrang komiani aro chu⋅a gadango skia pora ra⋅na chol man⋅gijani a⋅selo ong⋅bata aro un baksa sorkariba ia ong⋅enga obostarangna gisik on⋅gijanichiba namjabata obostaona sokatenga ine sorkariko matnange aganaha.
Adita manderangni congress dolko wate re⋅angenganina chanchibena nangani ong⋅engoba congress ia neng⋅nikaniko namatnaba kam ka⋅skaenga ine dakchakgipa Padot aganaha.
Congress doloni da⋅o rikenggipa MDA sorkarina chakpaaniko on⋅engania uamangni constituency-na silroro namroroani kamrangko ka⋅nasan unigimin uamango pangchakdugana nangja batesa re⋅baenggipa 2023 election-ni ja⋅man somoirangni giminba tarisona nanga ineba Basawmoit aganaha.
