Shillong, Feb 15: Bristibar salo Meghalaya Cabinet, State Investment, Promotion & Facilitation Bill 2024-ko ra·chakangaha.
Ia Bill-ko ra·chakani bidingo talataniko on·angengon, ia Bill-ko ra·chakahani gimin da·o Investment Meghalaya Authority (IMA)-ko bikotgnok aro ian a·doko dongenggipa Single Window Agency-ni pal kamrangko ka·skagnok ine a·dokni Chief Minister Conrad K Sangma parakataha.
Meghalaya a·doko ru·utbea somoirangna single window agency-ko jakkalahani gimin aro dingtang dingtang biaprango namdapatna nanganirang dongani gimin iako dakskaaha ineba ua aganaha.
Ia niamo pilak investment-rangko sandina ba investment-rangko dakna gita a·dokona sokbaenggipa dorgastorangko nina tracking system donggen ine janapatengon, crore-sana komibate invest ka·anikode deputy commissioner-chi dilenggipa committee nianggen, gong crore 1-oni crore 10-ona invest ka·anikode chief secretary-chi dilenggipa committee niangskagen aro crore 10-na bate invest ka·anikode chief minister-chi dilenggipa IMA-ona watatskagen ine Sangma parakataha.
Ian Meghalaya a·doko bading chiwalani kamrangko altubatatna dakchakani ong·gnok ine janapatskaengon, Bristibar salo Cabinet-ni ra·chakgipa Bill-ko da·o Assembly-o ra·chakna gita ra·anggnok ine Chief Minister parakataha.
Na·simang Iakoba poraie nina man·gen:Mang 36 matchurang baksa matchu badingsrukgiparangko BSF rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgiparango jarikna man·gen-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
