Shillong, Dec 6: Meghalaya Eco-tourism Infrastructure Development Project (MEIDP)-na New Development Bank (NDB)-ni chamatgipa gong crore 632 tangkarangko NPP-chi dilenggipa MDA sorkari jakkalsreta ine matnangahani gimin Mongolbar salo, Meghalaya a•dokni Deputy Chief Minister Prestone Tynsong, All India Trinamool Congress (AITC)-ni national spokesperson Saket Gokhale-ko jegalataha.
Meghalaya sorkarini kam ka•anirangko AITC-ni dilgipa pangnan iandake matnangronga ineba Tynsong parakataha.
“Angni chanchiani gitade ia mande on•tisa gisikni gita tik ong•brejakon maina ua sorkariko matnangengon, nanga gita sakkirangko mesokna man•na nangachim. Iandake uni mande jinmani mikkango matnanganiara namen kraani ong•ja,” ine Deputy Chief Minister parakataha.
