Ampati, Jan 11: A·doko Covid-19 sajinmachi ong·enggipa obostarangni a·sel Meghalaya Sorkarini champengatanirango pangchake, Mahatma Gandhi National Rural Employment Guarantee Scheme (MGNREGS)-ni ning·o Programme Assistant aro Accounts Assistant-cum-DEO-ni kamna January 14, 2022 tariko ong·atna manchigimin written examination-ko dontongatenga, ine South West Garo Hillsni Deputy Commissioner & MGNREGS-ni District Programme Coordinator, uiataha.
Obostarang nambatkalangahaon ia apsan written exam-na gital tarikko manchie candidate-rangna parakatgen ineba ua uiataha.
