Aizawl, May 7: Mizoram a•dokni dingtang dingtang biaprango African Swine Flu (ASF)-ni a•sel jasamangni gisepon mang 1,700-mang ong•na sipile wakrang siaha ine Bristibar salo official-rang parakataha.
Official-rangni u•iatani gitade, batanggimin adita antirangni gisepo wakni sianirang adita komiangahaoba ia kenbegnigipa wakni sabisi gipin biaprangonaba giproroangengahachim.
Mizoram a•doko ASF-ni a•sel skanggipa wakni sianiko re•anggipa March jani 21 tariko Bangladesh a•songni simao donggipa Lunglei songoni kobor on•chengaha aro uandaken da•o dipet ia ASF-ni a•sel komibeoba mang 1,728 wakrang siaha ine official-rang parakataha.
Official-rangni u•iatani gitade, Bristibar salmangmangon ia ASF-ni a•sel, komibeoba mang 21 wakrang siangaha.
Da•o dipet ia kenbegnigipa wakni sabisi, Mizoram a•dokni Aizawl, Lunglei, Serchhip, Lawngtlai aro Mamit a•jarango gipaha ineba official-rang parakataha.
