29.3 C
Tura

M’laya dingtangengaha ine Delhi-oba aganenga: Conrad

Must read

Tura, Jan 31: Batanggimin bilsi bongani gisepo Meghalaya a·doko bang·en dingtanganiko nikna man·aha aro iako New Delhi-oba nikmanaha ine Sombar salo, Meghalaya a·dokni Chief Minister aro National People’s Party (NPP)-ni national president Conrad K Sangma parakataha.

Sangma-ni parakatani gitade, ‘Meghalaya a·dok nambataniona dingtangengaha’ ine Delhi-ni manderangba agangriktokengaha.

“Skangode Meghalaya a·dokna chamatgipa tangka paisarangko jakkalna changjaenga inesa ma·mong sorkari chanchiachim indiba da·ode Meghalaya a·doko namroro silroroaniko nike uamang iani gimin agangrikskaengaha. Ian Meghalaya a·dokna namen namgni ong·enga,” ine Sangma aganaha.

Meghalaya a·dokko gipinrangna dakmesokgipa a·dok ong·atani aro a·songo nambatsranggipa a·dokrang baksa apsan ong·atanian uamangni jumang ong·enga ineba Sangma aganaha.

Game ge·e cha·gipa aro chadamberangna a·bachengatgipa dingtang dingtang program-rang, jekai Focus Mission, Focus Plus Mission, Progress mission, Ginger mission, Aroma Mission, Jackfruit Mission, Banana Mission, Lakadong (Turmeric) Mission aro uandakgipa dingtang dingtang kamrangni giminba a·dokni Chief Minister, jinmana talate on·angaha.

“FOCUS aro FOCUS Plus program-ni ning·o chinga lak 3 nokdangrangna dakchakanirangko on·na man·aha aro ia program-ko chinga mikkang bilsirangoba jako ra·angkuna miksongenga,” ine Sangma parakataha.

More articles

LEAVE A REPLY

Please enter your comment!
Please enter your name here

Latest article