Shillong, July 10: Meghalaya a·dokni simachipakgipa aro JHADC-ni a·jani ning·o ga·akgipa Khanduli songo, Karbi Anglong Autonomous Council (KAAC)-ni niam gri kajina ra·na taxgate songaniko Jaiñtia Students Movement (JSM) dol jegalangenba, iani bidingo ku·rangrangko on·e Jaiñtia Hills Autonomous District Council (JHADC)-ni cholgugao tom·dake Sombar pringchibara jingjengataniko dakangaha.
Iani bidingo JSM-ni dilgiparangni aganangani gita, KAAC-ni kajina ra·na niam gri taxgate-ko songaniara Council-ni a·jao napdrabaasan ong·aigija, Meghalaya a·dokonaba napdrae niamko pe·a ga·aka ine parakataha.
Ua niam gri songgipa taxgate-ko ra·galchina gita uamang changni-chang bil man·giparango dabibaengoba maming gitan knachakjaengani gimin re·baenggipa salrangoba Jaintia Hills a·jani chatro dolrang uamangni chakchike dongani kosako jingjengataniko dakangkugen ineba JSM janapataha.
Jaintia Hills aro Karbi Anglong a·jani gisepo adita meligrikgijanirangchi golmalrang ong·ronganiko tom·tomatna gita JSM aro Karbi Students Union-ni gisepo mikkangchi jedakgipa neng·nikanirang donggenchimoba apsan kamko ka·anichi namgrikaniko ra·bana jotton ka·na gita ku·rachakgrike re·anggipa June 3 tariko Guwahati songjinmao tom·e chanchirimanikoba dakangahachim ine nikatna gita man·gen.
Iakoba poraie nina man·gen: Uniform Civil Code-ko Tura Bar Association-ba jegalata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
