Shillong, Mar 3: Ukraine a•songona re•ange poraienggipa Meghalaya a•dokni sak 29 chatro chatrirang, India a•songona tom•tome sokbapilaha ine Bristibar salo, Meghalaya a•dokni Chief Minister Conrad K Sangma parakataha.
Chief Minister-ni parakatani gitade, sakgni chatro chatrirangba Ukraine a•songni simachipakna re•angengaha aro sak 11-de samba jolo donggipa a•songrangona sokangtokaha.
Ia pilak chatro chatrirangkon bakan India a•songona rimbapilgen ineba Chief Minister parakataha.
Meghalaya a•dokni chatro chatrirang, a•doktangona sokbapilkujaskal ua obostarangko sing•sandiatgen ineba Chief Minister aganaha.
