Shillong, Dec 29: Meghalaya Pradesh Congress Committee (MPCC), re·baenggipa 2023 bilsini Assembly election-o susanasienggipa candidate-rangni bimingrangko Bristibar salo parakataha.
Iani bidingo MPCC-ni padot Pa Vincent Pala-ni parakatani gita, a·dokni dam 40 constituency-rango susaatna gita Meghalaya-ni PCC, candidate-rangko tik ka·e seokna gita man·aha, indake ong·genchimoba, bangki dam 20-rangonade da·odipet susaatnasienggipa candidate-rangko tik ka·na gita man·srangkuja ine aganatan baksa, party-ni observer-rang, bangki constituency-rangona re·ange pilak obostarangko nichengani ja·manosa candidate-rangko tik ka·gen ineba Pa Pala agandapataha.
MPCC-ni seokgimin sak 40 candidate-rangoni, sak 26 candidate-rangara Khasi aro Jaintia-oni ong·a aro sak 14-rangara Garo Hills-oni ong·skaa. Uandake, sak 40-oni me·chik candidate-rangba gimik sak 8 gnang.
Seokgimin candidate-rangoni saksa ong·e susagnigipa Pa Pala, jean Sutnga Saipung constituency-o susanasienga, uni janapatkuani gita, ianpakode Congress dolo dingtanganiko ra·bana gita gital candidate-rangko susaatenga aro sak 40 oni sak 10 mangsan gitcham MLA-rangde dongtokaiaha ineba ua agandapataha.
